2 სექტემბრის ვაჭრობის შედეგად, ლარი როგორც დოლართან, ასევე ევროსთან მიმართებით კვლავ გაუფასურდა.

დღეს დადგენილი კურსის მიხედვით, ერთი დოლარის ღირებულება 3,1183 ლარი გახდა, რაც აქამდე მოქმედ კურსთან შედარებით 0,35 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 1,35 თეთრით გაუფასურდა და ერთი ევრო 3,6952 ლარს გაუტოლდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს 8 სავალუტო ინტერვენცია განახორციელა და ჯამურად 272,9 მლნ დოლარი გაყიდა. მათ შორის, ბოლო სავალუტო აუქციონი 20 აგვისტოს შედგა, სადაც ეროვნულმა ბანკმა 30 მილიონი დოლარი გაყიდა.

სებ-ის მიერ დღეს დადგენილი გაცვლითი კურსი ხვალ, 3 სექტემბერს შევა ძალაში.