2 სექტემბერს, საქართველოს ეროვნული ნაკრები მსოფლიოს საფეხბურთო ჩემპიონატის საკვალიფიკაციო ეტაპზე მატჩს კოსოვოს მხარის საფეხბურთო ნაკრებთან გამართავს. საქართველოს კოსოვოს დამოუკიდებელ სახელმწიფოდ არ აღიარებს. ამასთან დაკავშირებით კულტურის, სპორტისა და ახალგაზრდობის სამინისტრო განმარტავს, რომ მატჩი FIFA-ს ეგიდით ტარდება, რომელსაც კოსოვო დამოუკიდებელ სუბიექტებად ჰყავს აღიარებული.

"საქართველო მტკიცედ უჭერს მხარს სერბეთის სუვერენიტეტსა და ტერიტორიულ მთლიანობას, მჭიდროდ თანამშრომლობს სერბეთის მთავრობასთან საერთაშორისო სამართლის ნორმებისა და პრინციპების საფუძველზე. შესაბამისად, ბათუმში გასამართი სპორტული ღონისძიება არანაირად არ უკავშირდება კოსოვოს მხარის, როგორც დამოუკიდებელი სახელმწიფოს რაიმე ფორმით აღიარებას და/ან ცნობას.

მსოფლიო ჩემპიონატის საკვალიფიკაციო ეტაპზე მოცემული მატჩის ჩატარების ვალდებულებას საქართველოს ფეხბურთის ფედერაციას FIFA-ს წევრობა და მისი წესდება აკისრებს", — აცხადებენ სამინისტროში.

მატჩი ბათუმის საფეხბურთო სტადიონზე გაიმართება და ეპიდემიოლოგიური ვითარებიდან გამომდინარე მაყურებელი არ დაესწრება. ღონისძიებას საქართველოს ფეხბურთის ფედერაცია მასპინძლობს.