საქართველოში აგვისტოში კორონავირუსისგან 1 588 ადამიანი გარდაიცვალა, რაც ივნისსა (548 ადამიანი) და ივლისში (504 ადამიანი) გარდაცვლილთა ჯამურ რაოდენობაზე მაღალი მაჩვენებელია.

აგვისტოში კორონავირუსისგან ყოველდღიურად, საშუალოდ, 51 ადამიანი იღუპებოდა. NCDC-ის ინფორმაციით, ბოლო 24 საათში ვირუსმა 79 ადამიანის სიცოცხლე იმსხვერპლა.

საქართველოში კრონავირუსით გარდაცვლილთა რაოდენობა 1 ივნისიდან 31 აგვისტოს ჩათვლით

წყარო: NCDC

რაც შეეხება ინფიცირებულთა რაოდენობას აგვისტოში, ამ თვეში კორონავირუსი ჯამში 130 377 ადამიანს. პანდემიის გავრცელებიდან დღემდე ვირუსისგან ჯამში 7 408 პირი გარდაიცვალა. დღევანდელი მონაცემებით, გამოვლენილი დადასტურებული შემთხვევების საერთო რაოდენობა შეადგენს 549 811-ს, სულ გამოჯანმრთელებულია 493 414 ადამიანი.

31 აგვისტოს მონაცემებით, სულ ჩატარებულია 1 184 306 აცრა. 1 დოზით ვაქცინირებულია 790 542 ადამიანი, რაც მოზრდილი მოსახლეობის 27,7%-ია, ხოლო სრულად ვაქცინირებულია 393 764 ადამიანი — მოზრდილი მოსახლეობის 13.8%. NCDC-ის ინფორმაციით 30 აგვისტოს 25 670 ადამიანი აიცრა.