ტოკიოში პარალიმპიური თამაშები იმართება, სადაც ქართველმა სპორტსმენმა მნიშვნელოვან წარმატებას მიაღწია: პარამოფარიკავე ნინა თიბილაშვილი ვერცხლის პრიზიორი გახდა.

საქართველოს კულტურის, სპორტისა და ახალგაზრდობის სამინისტროს ცნობით, ეტლით მოფარიკავე თიბილაშვილი გახდა პირველი ქართველი პარალიმპიელი ქალი, რომელმაც პარალიმპიურ თამაშებზე მედლის მოპოვება შეძლო.

ტოკიოს პარალიმპიური თამაშების ფინალურ შეხვედრაზე ნინა ჩინელ ბიან ძინთან დამარცხდა შედეგით 7:15 და ვერცხლის მედალს დაეუფლა.

ფინალამდე მან (A კატეგორია, ხმალი) ჯგუფური ეტაპი 2-2 მოგება-წაგებით დაძლია, 1/8-ფინალში იტალიელ ლორედანა ტრიგილიას (15:9), ხოლო 1/4-ფინალში უკრაინელ ნატალია მორკვიჩს (15:13) მოუგო. ნახევარფინალში კი ასევე უკრაინელ ევგენია ბრეუსის სძლია — 15:12.

25 აგვისტოს ტოკიოში იასპარეზა კიდევ ერთმა პარამოფარიკავე ირმა ხეცურიანმა და მეოთხე ადგილზე გავიდა. ირმა ბრინჯაოს მედლისთვის გამართული შეხვედრაზე ჩინელ ქსიაო რონგთან დამარცხდა.