საქართველოსა და უკრაინას შორის კოვიდსერთიფიკატების გაცვლა წარმატებით დასრულდა. ამის შესახებ განცხადება საქართველოს პრემიერმინისტრმა თავის უკრაინელ კოლეგასთან შეხვედრის შემდეგ გამართულ ერთობლივ პრესკონფერენციაზე განაცხადა.

ირაკლი ღარიბაშვილმა აღნიშნა, რომ წელს საქართველოში უკრაინელი ტურისტების რაოდენობა 70%-ით არის გაზრდილი და იმედოვნებს, რომ უკრაინისა და საქართველოს მიერ კოვიდპასპორტების ურთიერთაღიარება ორ ქვეყანას შორის ურთიერთმიმოსვლას კიდევ უფრო გაამარტივებს.

ამასთან, ღარიბაშვილმა აქცენტი ეკონომიკური თანამშრომლობის სხვა ასპექტების გაძლიერებაზეც გააკეთა.

"ჩვენ განვიხილეთ ნაბიჯები, რომელიც ერთობლივად უნდა გადავდგათ იმისთვის, რომ სავაჭრო ბრუნვა მილიარდ დოლარამდე გავზარდოთ" — განაცხადა ღარიბაშვილმა.

უკრაინის პრემიერმინისტრმა კი ამ პრეკონფერენციაზე ეკონომიკურ თანამშრომლობაში აქცენტი საინვესტიციო ნაწილზე, ბიზნესის პრივატიზაციაში მონაწილეობასა და ერთობლივი მაღალტექნოლოგიური საწარმოების განვითარებაზე გააკეთა. მან ასევე თქვა, რომ ღარიბაშვილთან შეხვედრზე უკრაინა-საქართველოს სარკინიგზო ტრანზიტის განვითარების საკითხიც განიხილა.

საქართველოს პრემიერმინისტრი ირაკლი ღარიბაშვილი უკრაინაში ოფიციალური ვიზიტით იმყოფება და შეხვედრებს მართავს. უკრაინაში, პრემიერთან ერთად, საგარეო საქმეთა და თავაცვის მინისტრებიც იმყოფებიან. ღარიბაშვილი უკვე შეხვდა თავის უკრაინელ კოლეგას — პრემიერმინისტრ დენის შმიგალს. ხვალ, 23 აგვისტოს იგი მონაწილეობას მიიღებს ყირიმის პლატფორმის სამიტში, რომელსაც 40-ზე მეტი სახელმწიფოს ლიდერები დაესწრებიან.