დღეიდან, 20 აგვისტოდან, კორონავირუსის საწინააღმდეგო ვაქცინაციაზე რეგისტრაციას მოქალაქეები იუსტიციის სახლებსა და საზოგადოებრივ ცენტრებშიც შეძლებენ. რეგისტრაცია შესაძლებელია სატელეფონო ცენტრში დარეკვითაც, ნომერზე — 2 405 405.

სერვისით სარგებლობისათვის იუსტიციის სახლებში ვიზიტის წინასწარი დაჯავშნა საჭირო არ არის. მომხმარებლებს შესაძლებლობა ექნებათ ვაქცინაციაზე ახლობლები და ოჯახის წევრებიც დაარეგისტრირონ.

სერვისი ორშაბათიდან პარასკევის ჩათვლით 9:00-დან 18:00 საათამდე იუსტიციის სახლისა და საზოგადოებრივი ცენტრის ყველა ფილიალშია ხელმისაწვდომი; შაბათს და კვირას კი, ვაქცინაციაზე რეგისტრაციის მსურველებს 10:00-დან 17:00-საათამდე თბილისისა და ბათუმის იუსტიციის სახლები მოემსახურებათ.

20 აგვისტოს მონაცემებით, საქართველოში კორონავირუსის 4 743 ახალი შემთხვევა დადასტურდა, გამოჯანმრთელდა 3 393, ხოლო გარდაიცვალა — 59 ადამიანი.