ქართული ოცნების დეპუტატი, ნინო წილოსანი გიორგი გახარიას პარტიის განცხადებაზე ამბობს, რომ ყოფილ პრემიერმინისტრსა და მის გუნდს ძალიან დიდი ფანტაზიის უნარი აქვთ.

"შევაფასებდი, რომ გახარიას და მის გუნდს ძალიან დიდი ფანტაზიის უნარი აქვს", — განაცხადა წილოსანმა.

პარტია საქართველოსთვის ერთ-ერთმა ლიდერმა, ანა ბუჩუკურმა 18 აგვისტოს განაცხადა, რომ მათი პარტიის მხარდამჭერს, აკაკი ბართაიას იარაღი ჩაუდეს და დააკავეს. მისივე განცხადებით, ბართაიას მანამდე ახლობლების მეშვეობით შეუთვალეს, რომ აქტიური პოლიტიკური საქმიანობა შეეწყვიტა, წინააღმდეგ შემთხვევაში კი, დაკავებით დაემუქრნენ.