აჭარაბეთის 8 საპატიო ელჩმა ტოკიოს ოლიმპიურ თამაშებში მიიღო მონაწილეობა, საიდანაც 4 ვერცხლის პრიზიორი გახდა.

აჭარაბეთმა მათთვის ნახევარ მილიონიანი საპრიზო ფონდი გამოყო და ვერცხლის პრიზიორები 100-100 ათასი ლარით დაასაჩუქრა.

"ბედნიერი ვარ, რომ ოლიმპიურ თამაშებზე მოვიპოვე მედალი, მინდა აჭარაბეთს მადლობა ვუთხრა მხარდაჭერისთვის და დაფასებისთვის.

სპორტსმენისთვის ძალიან მნიშვნელოვანია, როდესაც შრომა გიფასდება. მინდა ასევე მივულოცო ყველა სპორტსმენს წარმატება, რომელმაც მოიპოვა მედალი ტოკიოს ოლიმპიურ თამაშებზე და რაც მთავარია, დიდი მადლობა გულშემატკივარს მხარდაჭერისთვის", — განაცხადა ლაშა შავდათუაშვილმა.

აჭარაბეთში აცხადებენ, რომ მათთვის სპორტი ძალიან მნიშვნელოვანი მიმართულებაა და მუდმივად ცდილობენ ქართველი სპორტსმენების წარმატებაში წვლილი შეიტანონ.