საქართველოს პრეზიდენტი გიორგი მარგველაშვილი ბათუმში განვითარებულ მოვლენებს ეხმიანება.

მარგველაშვილი მოუწოდებს ყველა მხარეს შეინარჩუნონ სიმშვიდე და არ დაუშვან მოვლენების კიდევ უფრო მეტი ესკალაცია:

"მუდმივ კონტაქტზე ვართ პრემიერმინისტრთან და შინაგან საქმეთა მინისტრთან. მიგვაჩნია, რომ დაცული უნდა იყოს შეკრების უფლება და გამოხატვის თავისუფლება, თუმცა ამავდროულად პატივი უნდა ვცეთ სახელმწიფო ინსტიტუტებს და კანონს. დაუშვებელია ნებისმიერი ფორმით ძალადობა. გვესმის, რომ აქციის მონაწილეებს შესაძლოა ჰქონდათ პროტესტის გამოხატვის გარკვეული მიზეზები, თუმცა ასეთ დაძაბულ ვითარებაში აუცილებელია სასწრაფოდ განიმუხტოს სიტუაცია და დაიწყოს გამოძიება. ხელისუფლებამაც და აქციის მონაწილეებმაც ყველა წინაპირობის განეიტრალებაზე უნდა იზრუნონ".

პრეზიდენტი მოუწოდებს ხელისუფლებას, რომ დაიცვას თითოეული მოქალაქის გამოხატვის უფლება, ასევე მიმართავს საზოგადოებას პატივი სცენ სახელმწიფო ინსტიტუციებს.