ამერიკელმა მსახიობმა, კრისტინა ეპლგეიტმა ტვიტერზე განაცხადა, რომ რამდენიმე თვის წინ მას გაფანტული სკლეროზის დიაგნოზი დაუსვეს. მან საზოგადოებას და მედიას პირადი სივრცის დაცვა სთხოვა და დასძინა, რომ ამ დროის განმავლობაში უდიდესი მხარდაჭერა მიიღო იმ ადამიანებისგან, ვისაც იგივე დიაგნოზი აქვს.

"უცნაური გამოცდილებაა, თუმცა ამ დიაგნოზის მქონე უამრავი ადამიანი მიჭერს მხარს, გზა რთულია, თუმცა გრძელდება იქამდე, სანამ გზა რომელიმე ნაბიჭვარი არ გადაგიღობავს", — დაწერა მსახიობმა.

გაფანტული სკლეროზით უფრო ხშირად ქალები ავადდებიან და ის თავს 20-დან 50 წლამდე ასაკში იჩენს. დაავადება არაპროგნოზირებადია და ამ დროისთვის არც მისგან განკურნების გზები არსებობს. გაფანტული სკლეროზი ცენტრალური ნერვული სისტემის ფუნქციონირებაზე მოქმედებს და ხელს უშლის ტვინიდან სხეულზე ინფორმაციის გადაცემის პროცესს. 49 წლის მსახიობი მსოფლიოში იმ 2,3 მილიონ ადამიანს შეუერთდა, ვისაც ასევე ეს დაავადება აქვს.

2008 წელს ეპლგეიტს ძუძუს კიბოს დიაგნოზიც დაუსვეს, რისგანაც განკურნება შეძლო. მან სიმსივნესთან ბრძოლის გამოცდილება სერიალ Dead To Me-ს გმირის პერსონაჟის ისტორიაშიც გადასცა. ეპლგეიტი სერიალის პროდიუსერიცაა. სერიალის მესამე და ფინალურ სეზონზე მუშაობა 2021 წლის მაისში დაიწყეს და ის, სავარაუდოდ, მომავალი წლის გაზაფხულამდე არ გამოვა.

ფოტო: Netflix

კრისტინა ეპლგეიტი ასევე მონაწილებდა Friends-ში. სერიალში მას ეპიზოდური როლი ჰქონდა და რეიჩელ გრინის დას ასახიერებდა.

ფოტო: NBC