მიუხედავად იმისა, ადევნებთ თუ არა ოლიმპიურ თამაშებს თვალს, ქსოვით გატაცებული ტომ დეილის ქსოვის ფოტოები ნამდვილად გეცოდინებათ. ბრიტანელი წყალში მხტომელი ტომ დეილი ტოკიოს ოლიმპიური თამაშების ერთ-ერთი გამორჩეული სახეა. მან მეწყვილესთან ოქროს მედლის მოგების გარდა, ხალხის გულიც სამუდამოდ დაიპყრო.

ფოტო: GMA News

ტომმა საზოგადოების ყურადღება იმით მიიქცია, რომ თამაშებს საქსოვი ჩხირებითა და ძაფებით ესწრებოდა. ტომი უდიდესი გულმოდგინებით მუშაობდა. მისი ქსოვის ფოტოები ინტერნეტში ვირუსულად გავრცელდა.

როგორც იქნა, ტომმა ოლიმპიადაზე დაწყებული ბოლო პროექტი დაასრულა და მოქსოვილი ფუმფულა ჟაკეტიც გვაჩვენა.

ჟაკეტის უკანა მხარეს ტომის მშობლიური დროშა და ოლიმპიური თამაშების სიმბოლოა გამოსახული, წინ კი იაპონურ ენაზე შეგიძლიათ "ტოკიო" ამოიკითხოთ.

ფოტო: madewithlovebytomdaley / Instagram

ფოტო: madewithlovebytomdaley / Instagram

დეილი წლევანდელ ოლიმპიადაზე ყურადღების ცენტრში მხოლოდ ოქროს მოგებით ან ქსოვით არ მოქცეულა. გამარჯვების შემდეგ მის მიერ წარმოთქმულმა სიტყვამ ინტერნეტში ასევე დიდი გამოხმაურება გამოიწვია.

ფოტო: madewithlovebytomdaley / Instagram

ფოტო: madewithlovebytomdaley / Instagram

"საოცრად ვამაყობ, რომ ვარ გეი და ასევე ვარ ოლიმპიური ჩემპიონი", — განაცხადა ტომმა, — "როცა პატარა ვიყავი, არასდროს მეგონა, რომ, იმის გამო, ვინც ვიყავი, ამას მივაღწევდი. ახლა, როცა ოლიმპიური ჩემპიონი ვარ, ეს ნიშნავს, რომ ყველაფრის მიღწევა შეგიძლია.

"ვიმედოვნებ, ყველა ახალგაზრდა ლგბტქ ადამიანი დაინახავს, რომ, მიუხედავად იმისა, რამდენად მარტოსულად გრძნობ ახლა თავს, მარტო არ ხარ. ყველაფრის მიღწევა შეგიძლია".

დეილისთვის ეს მეოთხე ოლიმპიადა, თუმცა, პირველი ოქროს მედალია. მან ბრინჯაოს მედლების მოპოვება 2012 და 2016 წლებში შეძლო ლონდონისა და რიოს ოლიმპიურ თამაშებზე.

ამავე თემაზე: