მტვერსასრუტმა სისუფთავის შენარჩუნება ბევრად გაგვიმარტივა. სხვადასხვა ტიპის ზედაპირის თუ ხალიჩის წმენდა პრობლემას აღარ წარმოადგენს და თანამედროვე მტვერსასრუტები რთულად მისადგომ ადგილებსაც კი მარტივად აგნებენ. სახლის სისუფთავეზე ისე ზრუნვა, რომ გარემოს მაქსიმალურად ნაკლები ზიანი მიადგეს, თანამედროვე ადამიანის მოთხოვნაა და ტექნიკის მწარმოებელი კომპანიებიც ბევრად დიდ ყურადღებას უთმობენ გადამუშავებული მასალების გამოყენებას და ენერგოეფექტურ გადაწყვეტას.

ამ სტატიაში 5 ყველაზე ეკომეგობრულ მტვერსასრუტს გაგაცნობთ.

1. მუყაოს მტვერსასრუტი

ბრიტანულმა ბრენდმა, Vax ev-მა სტუდენტის, ჯეიკ ტაილერის ეკომეგობრული მტვერსასრუტის დიზაინი რეალობად აქცია. კარდონისა და გადამუშავებული პლასტმასისგან შექმნილი ეს ულამაზესი მტვერსასრუტი მხოლოდ სახლის სისუფთავეზე კი არ ზრუნავს, გარემოსაც უფრთხილდება. ის ისეთივე გამძლეა, როგორც სხვა კარგად ნაცადი მტვერსასრუტები და ნაწილების დაზიანების შემთხვევაში, შეკეთებაც ბევრად იაფი ჯდება.

2. მტვერსასრუტები ოკეანედან

ტექნიკის მწარმოებელი კომპანია Electrolux შეეცადა ამ ფერადოვანი მტვერსასრუტებით ადამიანთა ყურადღება გარემოს დაბინძურებისკენ მიემართა. ნარჩენებით დაბინძურება წყლის სამყაროს საფრთხეს უქმნის, ამიტომ კომპანიამ სპეციალური გუნდები დარაზმა და 5 სხვადასხვა ოკეანედან პლასტმასის ნარჩენების შეგროვება დაავალა. ასე შეიქმნა ლიმიტირებული მტვერსასრუტების ხაზი, რომელიც შესანიშნავად გამოიყურება, გარემოსაც უფრთხილდება და ენერგოეფექტურიც არის.

3. Electrolux-ის ენერგოეფექტური მტვერსასრუტი

Electrolux-ში სახლზე და გარემოზე ზრუნვა თანაბრად მნიშვნელოვნად მიაჩნიათ და ერთ-ერთი ყველაზე ენერგოეფექტური მტვერსასრუტიც მათი ქმნილებაა. კომპანიის მწვანე გადაწყვეტა საშუალოზე 33%-ით ნაკლებ ენერგიას მოიხმარს და მისი 55% გადამუშავებული პლასტმასისგან არის აგებული.

4. ყველაზე ენერგოეფექტური მტვერსასრუტი

IMETEC ECO E1 წინა მოდელსაც კი ჯობნის და 50%-ით ნაკლებ ენერგიას მოიხმარს, თუმცა ეს ხელს სულაც არ უშლის, რომ საუკეთესო მონაცემები ჰქონდეს. მწარმოებელმა სუპერ ტექნოლოგია გამოიყენა, რომელიც მოწყობილობაში მინი ციკლონს წარმოქმნის, დასუფთავებას ბევრად სწრაფად და ეფექტურად ახერხებს და თან ენერგიასაც ზოგავს.

5. ენერგოეფექტური უსადენო მტვერსასრუტი

Gtech კოლეგებს არ ჩამორჩა და არანაკლებ ენერგოეფექტური მტვერსასრუტი შექმნა, რომელიც უსადენოა და ბოლომდე დატენვის შემთხვევაში 40 წუთი მუშაობს. კიდევ ერთი ეკომეგობრული პლიუსი მის დამზადებაზე დახარჯული მასალის სიმცირეა: მოწყობილობა სულ რაღაც 3,5 კილოგრამს იწონის და ამით დიდი ოდენობით პლასტმასის გამოყენებაზე უარს ამბობს.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. აქ მტვერსასრუტების დიდი არჩევანი დაგხვდებათ.