"ჩვენ მალე ვნახავთ თვითონ ქართული ოცნების ანულირებას" — განაცხადა ლელოს ლიდერმა, ბადრი ჯაფარიძემ, როცა ქართული ოცნების მიერ შარლ მიშელის დოკუმენტის გაუქმებას განიხილავდა. პრეზიდენტ სალომე ზურაბიშვილთან შეხვედრის შემდეგ მან თქვა, რომ მმართველ გუნდს არავინ მისცემს ამ შეთანხმების გაუქმების უფლებას.

"იმიტომ, რომ ისინი მალე მიიღებენ სამარცხვინო შედეგს. ისინი ვერ მოახერხებენ ვერანაირად ამ უმნიშვნელოვანესი შეთანხმების [ანულორებას], რომელდაც ჰქვია ქართული ევროპული მომავლის საგზაო რუქა. ამ შეთანხმების გაუქმების უფლებას არავინ არ მისცემს ქართულ ოცნებას. ისინი განიცდიან ძალიან მწარე მარცხს 2 ოქტომბერს", - განაცხადა ბადრი ჯაფარიძემ.

ჯაფარიძეს დეტალებზე ბევრი არ უსაუბრია და თქვა რომ შეხვედრების დასრულების შემდეგ პრეზიდენტი თავად გამოხატავს თავის პოზიციას საჯაროდ. ჟურნალისტის კითხვას, აქვს თუ არა იმედი, რომ პრეზიდენტს სწორი პოზიცია ექნება, ჯაფარიძემ დადებითად უპასუხა.

ლელოს თავმჯდომარემ, მამუკა ხაზარაძემ კი განაცხადა, რომ ასეთი შეთანხმებები ასე არ ირღვევა და მკაფიოდ დააფიქსირეს პოზიცია, რომ გააგრძელებენ ბრძოლას იმ ხელშეკრულების შეარულებისთვის დასავლელ პარტნიორებთან ერთად

"ჩვენ [პრეზიდენტს] გავაცანით ლელოს პოზიცია. ჩვენ ვუთხარით, რომ ეს ხელშეკრულება არსებობს მანამ, სანამ მისი წევრები და მისი გარანტორები არიან ამ ხელშეკრუკების ნაწილი. მათ შორის, პრეზიდენტი, შარლ მიშელი და ის ხელის მომწერი პარტიები, რომლებმაც ხელი მოაწერეს ემ შეთანხმებას", — განაცხადა ხაზარაძემ.

ხაზარაძემ განაცხადა, რომ ყველა მნიშვნელოვანი, რაც ზურაბიშვილისგან გაიგეს იყო ის, რომ ევროლული საბჭოს პრეზიდენტის, შარლ მიშელისთვის მოულოდნელი აღმოჩნდა შეთანხმების ანულირება.

დღეს, 2 აგვისტოს პრეზიდენტი ოპოზიციისა და ხელისუფლების წარმომადგენლებს ხვდება. შეხვედრა უკვე დატოვა ქართული ოცნების თავმჯდომარემ, ირაკლი კობახიძემ. პრესსამსახურის ინფორმაციით, შეხვედრას დაესწრებიან : ბადრი ჯაფარიძე, მამუკა ხაზარაძე, ვახტანგ მეგრელიშვილი, ლევან იოსელიანი, არჩილ თალაკვაძე, ხათუნა სამნიძე. სავარაუდოდ, განსახილველი საკითხი შარლ მიშელის შეთანხმების ანულირებაა.