ჟენევის ავტო შოუზე Airbus-მა და Italdesign-მა ახალი უნივერსალური ტრანსპორტის კონცეფცია წარმოადგინეს. Pop.Up ერთდროულად მანქანაცაა, დრონიც და ჰაიპერლუპის ვაგონიც.

Airbus-ის კონცეფცია, ერთი შეხედვით, აქამდე წარმოდგენილ უამრავ მფრინავ მანქანა-დრონს ჰგავს. თუმცა ის მაინც განსხვავებულია, რადგან ის არ არის ერთი კონკრეტული ტრანსპორტი. მისი გამოყენება საჭიროებისამებრ შეიძლება, თუ ავტომობილი გჭირდებათ - მაშინ მას ავტომობილად გამოიყენებთ, ხოლო თუ გაფრენა გინდათ, სპეციალური აპლიკაციის საშუალებით დრონს გამოიძახებთ, რომელიც სამგზავრო კაფსულას სასურველი მიმართულებით გააფრენს. იმავე კაფსულით ჰაიპერლუპის ხაზითაც შეგიძლიათ იმგზავროთ.

ეარბასის წარმომადგენელთა თქმით, სისტემა მთლიანად ხელოვნური ინტელექტის მიერ იქნება მართული.