დანიელი რეჟისორის, ლარს ფონ ტრირის ახალი ფილმში The House That Jack Built, რომელიც სერიული მკვლელის ისტორიას მოგვითხრობს, ერთ-ერთ მთავარ როლს უმა თურმანი შეასრულებს.

"ერთი სული მაქვს ვნახო ამჯერა როგორ პერსონაჟს შექმნის თურმანი ლარსის ფილმში, დიდებული სიუჟტია და სურათიც ასეთი გამოვა", - ამბობს ფილმის პროდიუსერი ლუის ვესტი.

როგორც ტრირი ამბობს, ფილმის გადაღება დონალდ ტრამპის აშშ-ის საპრეზიდენტო არჩევნებში გამარჯვებამ შთააგონა. სიუჟტი კი მაღალი ინტელექტის მქონე სერიული მკვლელის გარშემო ვითარდება, რომლის ჩამოყალიბებასაც მაყურებელი 12 წლის განმავლობაში ჩადენილი მკვლელობების მიხედვით დააკვირდება. მთავარ როლს მეთ დილონი შეასრულებს.

"ჩემი ახალი ფილმის მთავარი იდეა ისაა, რომ ცხოვრება აზრისგან დაცლილი და სასტიკია, რასაც ჰომო ტრამპუსის, ვირთხების მეფის აღზევებაც ამტკიცებს", - აცხადებს რეჟისორი.

ლარს ფონ ტრირის ფილმები ყოველთვის ხმაურიანი და ორაზროვანია. მისი ნამუშევრებია: იდიოტები, სიბნელეში მოცეკვავე, დოგვილი, ანტიქრისტე, მელანქოლია და ნიმფომანი.

ფილმი ეკრანზე 2018 წელს გამოვა.