2018 წელს ეკრანზე დანიელი რეჟისორის, ლარს ფონ ტრირის ახალი ფილმი The House That Jack Built გამოვა, რომელიც სერიული მკვლელის ისტორიას მოგვითხრობს.

როგორც ტრირი ამბობს, ფილმის მთავარი პერსონაჟი მაღალი ინტელექტის მქონე სერიული მკვლელი იქნება, რომლის ჩამოყალიბებასაც მაყურებელი 12 წლის განმავლობაში ჩადენილი მკვლელობების მიხედვით დააკვირდება. მთავარ როლს მეთ დილონი შეასრულებს.

"ჩემი ახალი ფილმის მთავარი იდეა ისაა, რომ ცხოვრება აზრისგან დაცლილი და სასტიკია, რასაც ჰომო ტრამპუსის, ვირთხების მეფის აღზევებაც ამტკიცებს", - აცხადებს რეჟისორი.

ლარს ფონ ტრირის ფილმები ყოველთვის ხმაურიანი და ორაზროვანია. მისი ნამუშევრებია: იდიოტები, სიბნელეში მოცეკვავე, დოგვილი, ანტიქრისტე, მელანქოლია და ნიმფომანი.