ქართული ოცნების თავმჯდომარე, ირაკლი კობახიძე აცხადებს, რომ სახელმწიფოს პასუხისმგებლობაზე საუბარი მხოლოდ იმ შემთხვევაში შეიძლება, თუ მას შეეძლო ძალადობის აღკვეთა და ეს არ ან ვერ გააკეთა.

ვერ მოხერხდა ძალადობის აღკვეთა [5 ივლისს], მაგრამ, ამას ჰქონდა თუ არა ობიექტური მიზეზი, ამაშია საქმე. პასუხისმგებლობას იღებს კონკრეტული სტრუქტურა. საუბარი შეიძლება იყოს სახელმწიფოს პასუხისმგებლობაზე იმ შემთხვევაში, თუ მას შეეძლო რაიმეს აღკვეთა და არ ან ვერ აღკვეთა. ამ შემთხვევაში. ამიტომ ჩავუღრმავდით ჩვენ — რეალურად აქ იყო ობიექტური მიზეზი, თუ არ იყო ობიექტური მიზეზი [...]

როდესაც საუბარია სახელმწიფოს ან პოლიტიკოსის პასუხისმგებლობაზე, ჯერ უნდა გაირკვეს, იყო თუ არა აღკვეთადი სამართალდარღვევა და მერე უნდა დავაყენოთ პასუხისმგებლობა", — განაცხადა ირაკლი კობახიძემ რუსთავი 2-ის ეთერში.

იგივე პათოსი ჰქონდა ძალადობრივ კონტრაქციებზე პოლიციელების რაოდენობაზე საუბრისას.

"3 200 კაცი [პოლიციელი] იყო მობილიზებული, ჩემი ინფორმაციით, ჯერ კიდევ დილის საათებში. თუმცა, კიდევ ერთხელ გავიმეორებ, დავსვათ კითხვა, ერთად დავსვათ ეს კითხვები — რამდენად ჰქონდა ობიექტური შესაძლებლობა პოლიციას, რომ თავიდან აერიდებინა, აღეკვეთა ძალადობა, მოვუსმინოთ, მინისტრს მოვუსმინოთ ამასთან დაკავშირებით", — განაცხადა ირაკლი კობახიძემ.

მისივე ინფორმაციით, შინაგან საქმეთა მინისტრი უახლოეს დღეებში მივა პარლამენტში 5-6 ივლისის ძალადობრივ მოვლენებთან დაკავშირებით არსებულ კითხვებზე პასუხების გასაცემად.

გაიგე მეტი: