იტალიის ეროვნულმა ნაკრებმა ინგლისი დაამარცხა და ევროპის ჩემპიონი გახდა. EURO 2020 დასრულდა და ჩემპიონების თასი იტალიაში მიდის.

პირველი ტაიმი ანგარიშით 1:0 დასრულდა, ინგლისის სასარგებლოდ. მეორე ტაიმში იტალიამ ანგარიში გაათანაბრა, მატჩის ბედი კი პენალტების სერიამ გადაწყვიტა.

ფოტო: UEFA

ევროპის ჩემპიონატი ჯერ კიდევ გასული წლის ზაფხულში უნდა გამართულიყო, თუმცა პანდემიის გამო გადაიდო. მიუხედავად იმისა, რომ ახლა 2021 წელია, ჩემპიონატს ძველი სახელი შეუნარჩუნეს.

UEFA EURO 2020 60-წლიანი ისტორიის განმავლობაში პირველად ტარდება მთელს კონტინენტზე. თამაშები 11 ქალაქში გაიმართა.