ლაჩხუთის მუნიციპალიტეტში, ნიგოეთის გზაზე ავტოავარია მოხდა. შინაგან საქმეთა სამინისტროში On.ge-ს უთხრეს, რომ შედეგად ავტომანქანის მძღოლი გარდაიცვალა. უწყების ცნობით, ავტოსაგაზო შემთხვევა დღეს, 3 ივლისს მოხდა.

შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.