პრემიერ მინისტრის დავალებით იუსტიციის სამინისტრომ საკონონმდებლო ცვლილებები შეიმუშავა, რომელთა თანახმადაც წინასაარჩევნოდ და არჩევნების პერიოდში ძალადობის მუქარა ან ძალადობა დასჯადი ქმედება გახდება. სისხლის სამართლის კოდექსის ახალი მუხლის თანახმად, ჯგუფური დანაშაული 4 წლამდე თავისუფლების აღკვეთით დაისჯება. იმ შემთხვევში კი, თუ პირს ფიზიკურ დაზიანებას არ მიაყენებენ, მისი სასჯელი ჯარიმით ან 2 წლამდე პატიმრობით განისაზღვრება.

თავდაცვის მინისტრი, თინა ხიდაშელი ახალ საკანონმდებლო ცვლილებას მიესალმება და განმარტავს, რომ აუცილებელია კანონის გამკაცრება ამ მიმართულებით, რადგან არჩევნების ჩატარებაზე საქართველოს მომავალი დგას:

"საქართველოს წინ საპარლამენტო არჩევნები აქვს, რომელიც ძალიან ბევრ რამეს გადაწყვეტს საქართველოს მომავლისთვის. ჩვენ არ უნდა დავუშვათ ამ ქვეყნის ქაოსისკენ წასვლა. უნდა დაისაჯონ ისინიც, ვინც მუშტს იქნევდა და ისინიც, ვინც ეს ადამიანები დაგეშა".

გუშინ, 23 მაისს, პრემიერ მინისტრმა, გიორგი კვირიკაშვილმა, კორცხელში მომხდარი ინციდენტის გამო, იუსტიციის სამინისტროს მოუწოდა, უახლოეს მთავრობის სხდომაზე წარმადგინოს საკანონმდებლო ცვლილებები, რომლებითაც პოლიტიკურ და საარჩევნო პროცესებში ძალადობის ყოველგვარ გამოვლინებაზე სანქციები გამკაცრდება.

იუსტიციის სამინისტროს მიერ მომზადებულ საკანონმდებლო ცვლილებას საქართველოს მთავრობის სხდომაზე 27 მაისს განიხილავენ.