დღეს, 1-ლ ივლისს პრინცესა დაიანა 60 წლის გახდებოდა. მის პატივსაცემად, დაიანას შვილებმა, პრინცმა უილიამმა და პრინცმა ჰარიმ უთანხმოება გვერდით გადადეს და საზეიმო ცერემონიაზე დედის ქანდაკება ერთად გახსნეს.

პრინცესა დაიანა 1997 წელს ავტოკატასტროფაში ტრაგიკულად დაიღუპა, მაშინ, როცა მის მანქანას პაპარაცები მისდევდნენ. 2017 წელს მისი გარდაცვალებიდან 20 წელი გავიდა და სწორედ მაშინ დაიგეგმა ქანდაკების შექმნაც.

ბრინჯაოს ქანდაკება კენსინგტონის სასახლის ეზოში აღმართეს.

"ყოველ დღე ვნატრობთ, რომ ისევ ჩვენს გვერდით იყოს. გვახსოვს მისი სიყვარული, ძალა და ხასიათი. თვისებები, რომლებმაც შესაძლებლობა მისცა სამყარო და უამრავი ადამიანის ცხოვრება უკეთესობისკენ შეეცვალა", — განაცხადეს მათ.

ფოტო: Dominic Lipinski

ფოტო: Dominic Lipinski

ფოტო: Dominic Lipinski

დაიანას დაბადების დღე სასახლესთან მისმა გულშემატკივრებმაც აღნიშნეს.

ფოტო: REUTERS