ქართული ოცნების აღმასრულებელი მდივანი, მამუკა მდინარაძე კითხვაზე, იქნება თუ არა კახა კალაძე თბილისის მერობის კანდიდატი ქართული ოცნებიდან, ასე პასუხობს:

"მხოლოდ მასზეა დამოკიდებული".

მისი თქმით, ყველა გუნდი იოცნებებდა, რომ ჰყავდეს დედაქალაქის მერობის კალაძისნაირი კანდიდატი.

"არ გადავაზედმეტებ ნამდვილად და გულწრფელი ვიქნები, რომ ყველა გუნდი იოცნებებდა კალაძისნაირ მერზე, რომ მისი კანდიდატი ყოფილიყო.

სამი თვის წინ, თქვენი კოლეგები [ჟურნალისტები] მათ შორის ამბობდნენ, რომ ჯერჯერობით ვერ ახერხებს ქართული ოცნება დასახელებას [მერობის კანდიდატის]. არ არის ის დრო როცა უნდა დასახელდეს. ყველაფერს აქვს თავისი დრო. პრინციპში, როგორც აღმოჩნდა, ქართული ოცნება მაინც ყველაზე ადრე დაასახელებს ქალაქის [თბილისის] მერობის კანდიდატს და ეს იქნება დაახლოებით ერთი კვირის, 10 დღის რადიუსში", — განაცხადა მამუკა მდინარაძემ TV პირველის ეთერში.

ადგილობრივი თვითმმართველობის არჩევნები 2 ოქტომბერს გაიმართება.

გაიგე მეტი: