საქართველოს საელჩო საბერძნეთში ავრცელებს ინფორმაციას, რომ სასჯელაღსრულების დაწესებულებაში მყოფ ორ თანამესაკნე საქართველოს მოქალაქეს შორის დაპირისპირება მოხდა, ხელნაკეთი დანით მიყენებული ჭრილობების შედეგად კი ერთ-ერთი მათგანი გარდაიცვალა.

საელჩოს ინფორმაციით, შემთხვევა 26 ივნისს კუნძულ კრეტაზე ქალაქ ხანიის სასჯელაღსრულების დაწესებულებაში მოხდა.

მათივე ინფორმაციით, საბერძნეთში საქართველოს საელჩოს კონსული ქალაქ ხანიის ციხის ადმინისტრაციის უფროსს ესაუბრა, რომელმაც პირად საუბარში დაუდასტურა აღნიშნული ფაქტი.