სამეგრელოს ერთ-ერთ მუნიციპალიტეტში 8 წლის ბავშვის გაუპატიურებაში ბრალდებულის სახლი დაწვეს. სხვადასხვა მედიის მიერ გავრცელებული ინფორმაციით, სახლი ბავშვის მშობლებმა და ახლობლებმა დაწვეს.

8 წლის ბავშვის გაუპატიურების ბრალდებით სამეგრელოში 2 კაცის დაკავების შესახებ დღეს, 25 ივნისს გახდა ცნობილი. არსებული ინფორმაციით, ბრალდებულები მამა და შვილი არიან.

როგორც On.ge-ს შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის 137-ე მუხლით დაიწყო, რაც გაუპატირებას გულისხმობს.