ახლა ტელეკომპანია რუსთავი 2-ის ეთერში კურიერის სტუდია ჩანს, ეკრანზე კი გამოტანილია წარწერა - "რუსთავი 2 წაგვართვეს". სწორედ ეს იყო გადაცემა არჩევანის თემა, რომელიც ხუთი საათის განმავლობაში იყო ეთერში და მაყურებელს უზენაესი სასამართლოს გადაწყვეტილების შესახებ მოქალაქეების, არასამთავრობო ორგანიზაციებისა და პოლიტიკოსების შეფასებებს სთავაზობდა.

არჩევანის დასრულების შემდეგ ეთერში ტელეკომპანიის მიმდებარე ტერიტორიიდან პირდაპირი ჩართვა გადიოდა, რომელიც კურიერის ჩაბნელებულმა სტუდიამ ჩაანაცვლა.

2 მარტს საქართველოს უზენაესმა სასამართლომ ტელეკომპანია რუსთავი 2 ქიბარ ხალვაშსა და მის კომპანიას მიაკუთვნა. უზენაესი სასამართლოს გადაწყვეტილების გასაჩივრების ბერკეტი საქართველოში არ არსებობს.