საქართველოს სახალხო დამცველის, ნინო ლომჯარიას შეფასებით, პროფესიული მოვალეობის შესრულებისას მედიის წარმომადგენლების ფიზიკურ უსაფრთხოებას ექმნება საფრთხე. ამის შესახებ მან პარლამენტში, 2020 წლის ანგარიშს წარდგენისას ისაუბრა.

"ჟურნალისტებისთვის დაბრკოლებების შექმნა პროფესიული საქმიანობის განხორციელების პროცესში იყო განსაკუთრებით პრობლემატური და ძალიან სამწუხარო ტენდენციად ჩამოყალიბდა შეკრების ადგილზე მოვლენების გასაშუქებლად მყოფი მედიის წარმომადგენლების ფიზიკური უსაფრთხოების საკითხი.

ასევე, გასულ წელსაც, წინა წლების მსგავსად, არ არსებობდა სრულყოფილი სტატისტიკა ჟურნალისტების მიმართ მათი საქმიანობის გამო ჩადენილი დანაშაულებრივი ქმედების თაობაზე", — განაცხადა ნინო ლომჯარიამ.