ქიბარ ხალვაში, რომელიც საქართველოს უზენაესი სასამართლოს გადაწყვეტილებით, ტელეკომპანია რუსთავი 2-ის 100 პროცენტიანი წილის მფლობელი გახდა, ამბობს, რომ დავით დვალსა და ჯარჯი აქიმიძეს არხის წილს გადასცემს. ამის შესახებ მან საზოგადოებრივი მაუწყებლის ეთერში განაცხადა.

მან არ დააკონკრეტა რამდენიმე პროცენტის გადაცემაზეა საუბარი, თუმცა, აღნიშნავს, რომ ტელეკომპანიის წილის იმ ნაწილს გადასცემს, რომლითაც არხი არ იქნება "სხვისი კონტროლის ქვეშ".

დავით დვალმა და ჯარჯი აქიმიძემ ეროსი კიწმარიშვილთან ერთად დააფუძნეს რუსთავი 2, თუმცა იმ დღიდან ტელეკომპანიის მფლობელები 20-ზე მეტჯერ შეეცვალა.