ნაციონალური მოძრაობის წარმომადგენელი ნიკა რურუა რუსთავი 2-ის ეზოში შეკრებილებს შეუერთდა.

On.ge-სთან საუბრისას, ის უზენაესი სასამართლოს გადაწყვეტილებას, არხის ქიბარ ხალვაშისთვის მიკუთვნების თაობაზე, ბრძანების შესრულებას უწოდებს და მიიჩნევს, რომ ამას საზოგადოება არ შეეგუება:

"ცხადია გადაწყვეტილება არის უკიდურესად მავნებლური და სამარცხვინო. ამას გადაწყვეტილება არ ჰქვია, ეს არის ბრძანება რომელიც შეასრულა დამორჩილებულმა სასამართლომ. დღეს არის მცდელობა რომ არა მარტო სიტყვის თავისუფლება დაასამარონ, არამედ დაასამარონ ასევე სასამართლო ბოლომდე. ცხადია ეს არ გავა. ხალხი, საზოგადოება დაიცავს სიტყვის თავისუფლებას ბოლომდე, მტკიცედ, მხნედ. ოლიგარქმა თავის გულისწადილი როგორც ჩანს აისრულა, თუმცა ცოტა ხნით. სიტყვის თავისუფლება არის კონსტიტუციური უფლება, რომელიც ხელშეუხებელია. არ შეიძლება ამაზე არანაირი თვითნებობა".

დღეს, 2 მარტს, უზენაესმა სასამართლომ რუსთავი 2 ქიბარ ხალვაშს მიაკუთვნა. ამ დროისთვის არხი მაუწყებლობის საგანგებო რეჟიმზეა გადასული.