ევროპარლამენტის განცხადებით, ევროკავშირი ლგბტ+ თემისთვის "თავისუფლების ზონად" გამოაცხადა. თუმცა, ცენტრალურ ევროპის ჯერ კიდევ ბევრ ქვეყანაში, ჰომოფობია დიდი პრობლემაა.

ამის მაგალითი პოლონეთია. ქვეყანაში არსებული მდგომარეობის მიუხედავად, 19 ივნის უამრავი ადამიანი დაესწრო თანასწორობის მარშს. მათი მთავარი მიზანი ჰომოფობიისა და დისკრიმინაციის წინააღმდეგ ბრძოლაა.

ფოტო: Getty Images

"ჰომოფობია პოლონეთში დიდ პრობლემას წარმოადგენს, ადამიანებს უწევთ საკუთარი უფლებისთვის ბრძოლა. ზოგიერთი მათგანი ვერ უძლებს ამ სიძულვილს და ცხოვრებას თვითმკვლელობით ასრულებს. მე აქ იმიტომ ვარ, რომ მხარი დავუჭირო ლგბტ+ საზოგადოებას და მათი უფლებები დავიცვა", — განაცხადა პრაიდის ერთ-ერთმა მონაწილემ.

შარშან პოლონეთის პრეზიდენტმა, ანჯეი დუდამ ლგბტ+ ადამიანების უფლებებისთვის ბრძოლას, კომუნიზმზე საშიში იდეოლოგია უწოდა. "ჩემს მშობლებს არ უბრძოლიათ იმისთვის, რომ ეს ახალი იდეოლოგია მივიღო, რომელიც გამანადგურებელია კაცისთვის. ის შეფუთეს, როგორ პატივისცემის და ტოლერანტობის გამომხატველი იდეა, სინამდვილეში კი ძალიან არატოლერანტულია", — განაცხადა მან.

ფოტოზე: ანჯეი დუდა — პოლონეთის პრეზიდენტი

ფოტო: Getty Images

ოფიციალური კანონით ამ თემის წარმომადგენლებს ჯერ კიდევ ბევრი შეზღუდვა აქვთ და პოლონეთის მთავრობა მათ კიდევ უფრო გამკაცრებაზე მუშაობს. ამისდა მიუხედავად, პრაიდმა აჩვენა, რომ ქვეყანაში ცხოვრობს უამრავი ადამიანი, რომელიც მზადაა ლგბტ+ თემის უფლებებისთვის იბრძოლოს.

აშკარაა, რომ პოლიტიკური სიტუაციის მიუხედავად, ხალხი არ აპირებს თანასწორობისთვის ბრძოლის შეწყვეტას. თანაც მაშინ, როდესაც მთავრობის ზოგიერთი წარმომადგენელი, ღიად უჭერეს მხარს ლგბტ+ თემის უფლებებს.

ფოტოზე: ვარშავის მერი რაფალ ტრზასკოვსკი

ფოტო: Getty Images

პრაიდს ვარშავის მერი რაფალ ტრზასკოვსკიც ესწრებოდა. "მე დღეს ვარ აქ, რადგან კიდევ ერთხელ გაჩვენოთ, რომ ყოველთვის დავიცავ დაჩაგრული ადამიანის უფლებას", — განაცხადა მან.