დანიელმა ფეხბურთელმა, კრისტიან ერიქსენმა, რომელიც EURO 2020-ზე დანია-ფინეთის მატჩის დროს შეუძლოდ გახდა, თავისი აგენტის საშუალებით განცხადება გაავრცელა. ნახევარმცველს საფეხბურთო მოედანზე ექიმები არაპირდაპირ გულის მასაჟს და ხელოვნური სუნთქვას 13 წუთის განმავლობაში უტარებდნენ.

"მადლობა ყველას ყურადღებისთვის. თავს უკეთ ვგრძნობ და არ ვნებდები, თუმცა, მინდა გავარკვიო, რა მოხდა. მადლობა ყველაფრისთვის, რაც ჩემთვის გააკეთეთ", — წერია განცხადებაში, რომელსაც იტალიური სპორტული გამოცემა La Gazzetta dello Sport ავრცელებს. მედიის ინფორმაციით, ის თანაგუნდელებსაც ესაუბრა.

უცნობია, რამ გამოიწვია მომხდარი. დანიელი ექიმის თქმით, მას გული გაუჩერდა და ადგილზე მყოფი სამედიცინო დახმარების სწრაფმა რეაგირებამ გადაარჩინა. BBC-მ პირდაპირ ეთერში მისი კადრების გადაცემის გამო ბოდიში მოიხადა. ფეხბურთელი ამ დრომდე კლინიკაშია გადაყვანილი და ჯერჯერობით ადგილზე რჩება. მისი მდგომარეობა, UEFA-ს განცხადებით, სტაბილურია.