Entertainment Weekly-სთან მიცემულ ინტერვიუში ჰარი პოტერის ვარსკვლავმა, ბრიტანელმა მსახიობმა ემა უოტსონმა აღნიშნა, რომ ის თაყვანისმცემლებთან ფოტოებს აღარ გადაიღებს.

მსახიობმა ამის მიზეზად საკუთარი პირადი ცხოვრების შესაძლო დაზარალება დაასახელა.

"თუ ვინმე გადაიღებს ფოტოს ჩემთან ერთად და ამ ფოტოს სოციალურ ქსელში გამოაქვეყნებს, ამით ზუსტად ორ წამში გამჟღავნდება ჩემი ადგილმდებარეობა, ჩაცმულობა და ინფორმაცია იმის შესახებ, თუ ვისთან ერთად ვიმყოფები. ამიტომ ამიერიდან ვეცდები იშვიათად გადავიღო ფოტო ჩემს ფანებთან, ამისთვის კი უკეთესი ალტერნატივა მოვიფიქრე - ავტოგრაფი და საუბარი მათთან. პირობას ვდებ რომ ყოველ მათ შეკითხვას ვუპასუხებ ჰარი პოტერის შესახებ თუ ისინი ჩემთან ერთად არ გადაიღებენ ფოტოს", - ამბობს ემა.

შეგახსენებთ, 17 მარტს ემას მონაწილეობით ეკრანზე გამოვა დისნეის ლამაზმანი და ურჩხული.