ციანიდის საქმის მოწმემ ირაკლი მამალაძემ, ტელეკომპანია პირველის ეთერში, ინგა გრიგოლიას საავტორო გადაცემაში რეაქცია განაცხადა, რომ მკვლელობას ჯგუფი ამზადებდა და სხვებიც არიან იმ ჩანაწერში, რომელიც პროკურატურას გადაეცა: "აქ საუბარია სამ ან მეტ პირზე", - თქვა მამალაძემ და არ უპასუხა იმ შეკითხვას ფიგურირებს თუ არა იქ სასულიერო პირი.

ამასთან, პროკურატურის მთავარმა მოწმემ არც უარყო და არც დაადასტურა, ინფორმაცია იმაზე, არის თუ არა აღნიშნულ ჩანაწერში პატრიარქის დაცვის ყოფილი უფროსი სოსო ოხანაშვილი, რომელიც გამოძიებამ უკვე დაკითხა.

ირაკლი მამალაძე აცხადებს იმასაც, რომ ჩანაწერში, რომელიც მისივე თქმით არის ვიდეო და არა აუდიო, ჩანს ციანიდიც.

იგი ასევე აღნიშნავს, რომ გიორგი მამალაძე არა მისი ნათესავი, არამედ, დეკანოზი პატრიარქის ძმიშვილის ბათუმისა და ლაზეთის მიტროპოლიტის, დიმიტრი შიოლაშვილის ახლობელიცაა. ირაკლი მამალაძის თქმით, შესაძლოა, დაგეგმილი მკვლელობის შესახებ, მიტროპოლიტი დიმიტრი არ ყოფილიყო ინფორმირებული.