ტანზანიის პარლამენტის წევრს, კონდესტერ სიქვალის პარლამენტის სხდომის დატოვება "ვიწრო" შარვლის გამო მოუწია. პარლამენტის კაცმა წევრმა სხდომაზე ქალის "შეუსაბამო" ჩაცმულობის შესახებ შენიშვნა ხმამაღლა გამოთქვა.

"პატივცემულო სპიკერო, ამის მაგალითია ჩემ გვერდით მჯდომი და ყვითელი მაისურით. შეხედეთ, როგორი შარვალი აცვია, პატივცემულო სპიკერო!" — მიმართა პარლამენტის სპიკერს ერთ-ერთმა წევრმა, ჰუსეინ ამარმა.

ამის შემდეგ სპიკერმა ქალს სხდომის დატოვება მოსთხოვა და მიუთითა, რომ უკან "შესაბამისად ჩაცმული" დაბრუნებულიყო.

ფოტო: @Jadwong / Twitter

ჰუსეინ ამარს არ დაუკონკრეტებია, თუ რის გამო მიიჩნია ქალის ჩაცმულობა მიუღებლად. მართალია, პარლამენტში ქალებს შარვლის ტარების უფლება აქვთ, თუმცა მან აღნიშნა, რომ ტანსაცმელი "მოტკეცილი" არ უნდა იყოს.

პარლამენტის სხვა ქალმა წევრებმა აღნიშნული ინციდენტი გაუმართლებლად მიიჩნიეს და აღნიშნეს, რომ სიქვალის ჩაცმულობა შეუსაბამო არ ყოფილა. ისინი სიქვალისთვის ბოდიშის მოხდას ითხოვენ.

მომხდარმა სოციალურ ქსელებში საზოგადოების უარყოფითი რეაქცია დაიმსახურა. ზოგიერთი მომხმარებელი აღნიშნავს, რომ ინციდენტი კიდევ ერთი მაგალითია იმისა, თუ როგორ აკონტროლებენ კაცები ქალების ცხოვრებასა და ჩაცმულობას.