1-ლი ივნისის ვაჭრობის შედეგად, ლარი დოლართან მიმართებით 1,41 თეთრით გამყარდა და ერთი დოლარის ღირებულება 3,2547 ლარს გაუტოლდა — ეს მიმდინარე წლის მინიმალური მაჩვენებელია.

დღეს დადგენილი კურსის მიხედვით, ეროვნული ვალუტა 0,51 თეთრით გამყარდა ევროს მიმართაც და ერთი ევროს ღირებულება 3,9792 ლარი გახდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 2 ივნისს შევა ძალაში.