ბოდბელი ეპისკოპოსი, მეუფე იაკობი აცხადებს, რომ "ქართველი კაცი" ნაციონალური მოძღაობის დაბრუნებას არ დაუშებს და "იარაღსაც აიღებს ხელში". ამის შესახებ მან ჟურნალისტებთან ისაუბრა.

"უნდა მიხვდეთ, რა, ხალხი ისეა, ეს ორი პარტია რომ არ იყო, "ოცნება" და "ნაცმოძრაობა", ალბათ, ჩატარდებოდა სხვანაირი არჩევნები. აი, შერიგებული ვარიანტი რომ განვიხილოთ, ალბათ, ყველა ღირსეული პიროვნება ყველა პარტიიდან მოხვდებოდა, მაგრამ დღევანდელ სიტუაციაში, ქართველი კაცი, გინდ არ მოსწონდეს მმართველი პარტია, ნაციონალების დაბრუნებას, მით უმეტეს, მიშას დაბრუნებას არ დაუშვებს. მისი განწყობა, იარაღსაც აიღებენ ხელში, ის რომ დაიწყონ, იქიდან მობრუნება კანონით", — თქვა მან.

დღეს მეუფე იაკობმა არჩევნებში მოსვლაც დააანონსა. მისი თქმით, ამ არჩევნებს "შეხედავს" და შემდეგ "რაღაც პერიოდი" ჩაერთვებიან. მეუფემ ჟურნალისტებს განუცხადა, რომ "უკვე მოფიქრებული აქვთ" და არჩევნებზე გამარჯვებაც არ გაუჭირდებათ. გარდა ამისა, მან განაცხადა, რომ ყოფილმა პრემიერმინისტრმა, გიორგი გახარიამ ეკლესიასთან ურთიერთობა "გააფუჭა" და მას მხარდაჭერა არ ექნება.