საპარლამენტო უმრავლესობის წევრი, მიხეილ სარჯველაძე ექსპრეზიდენტ მიხეილ სააკაშვილის განცხადებას იმის შესახებ, რომ ნაციონალური მოძრაობის თავმჯდომარემ, ნიკა მელიამ "ციხის შიში საერთოდ გააქრო", მორკიმინალოს უწოდებს.

"ცოტა მოკრიმინალო განცხადებაა ეს სინამდვილეში. რას ჰქვია ახლა ციხის შიში დაამსხვრია?! მოწოდებაა ეს ერთგვარი სამართალდარღვევის ჩადენისკენ თუ რა არის?! ცოტა გაუგებარი განცხადებაა.

ეს ვითომ გამხნევების მეთოდია თუ მცდელობაა საკუთარი ამომრჩევლების, რომ როცა დასჭირდება, მოუწოდოს დესტრუქციისკენ, არეულობისკენ, ქაოსისკენ, უფრო მეტად გამართლებული, უფრო დამაჯერებელი რომ იყოს მისი განცხადება. ეს, სინამდვილეში, ტყუილია", — აცხადებს სარჯველაძე.

მისი თქმით, ეს არის მითი, რომელიც არ არის არგუმენტირებული.

"მე არ მგონია, რომ ის მითი, რომლის შექმნასაც ახლა ცდილობენ, თუნდაც ამ მოკრიმინალურო გაგებით, ეს რამენაირად არგუმენტირებული იყოს. ეს არ არის სწორი უბრალოდ. ეს წარმოაჩენს კარგად იმ მიდგომებს, რა მიდგომების ხალხიც არის რეალურად პოლიტიკაში. ამიტომაც არის, რომ ხშირად კეთდება განცხადება, რომ კრიმინალების ადგილი პოლიტიკაში არ არის", — განაცხადა მიხეილ სარჯველაძემ POSTV-ის ეთერში.

მიხეილ სააკაშვილმა განაცხადა, რომ ნიკა მელიამ ციხის, რეპრესიებისა და ზეწოლების შიში გააქრო.

მელია სააკაშვილთან შესახვედრად კიევში 16 მაისს გაემგზავრა.

გაიგე მეტი: