ქართული ოცნების ერთ-ერთი ლიდერის, გია ვოლსკის განცხადებით, ადამიანებმა ციხის შიში არა მელიას გამო, არამედ იმის გამო დაკარგეს, რომ იქ მათ აღარ აწამებენ.

"ციხის შიში ადამიანებმა დაკარგეს უკვე დიდი ხანია და არა მელიას გამო, ეს იმის გამო, რომ იქ აღარ აწამებენ და მათ ადამიანურ ღირსებას ფეხით არ უვლიან, როგორც ეს მისი მმართველობის პერიოდში იყო და რომლის ნაწილი, შემადგენელი, აქტიური ნაწილი იყო მელიაც და ძალიან ბევრი პოლიტიკოსიც, რომელიც ახლა ჭკუას გვასწავლის ტელეეკრანებიდან", — განაცხადა ვოლსკიმ.

საქართველოს ექსპრეზიდენტის, მიხეილ სააკაშვილის განცხადებით, ნაციონალური მოძრაობის თავმჯდომარე, ნიკა მელია მისი აზრით, უკვე გამარჯვებულია, რადგან ის არათუ ვერ გატეხეს ციხეში, არამედ მან "ციხის, რეპრესიების, ზეწოლების შიში საერთოდ გააქრო".