გერმანიის საელჩომ ოკუპირებულ აფხაზეთს 46 ათასი ევროს ღირებულების სამედიცინო აღჭურვილობა გადასცა. ინფორმაციას ამის შესახებ საელჩო ავრცელებს.

"იმისათვის, რომ იქ გაუმჯობესდეს დიაგნოზის დასმის შესაძლებლობები, მკურნალობა და სამედიცინო პერსონალის დაცვა, გერმანიის საელჩომ სამედიცინო დაწესებულებებს სოხუმსა და გუდაუთაში გადასცა დაახლოებით 46 ათასი ევროს ღირებულების გენერატორი, ჟანგბადის კონცენტრატორები, ულტრაიისფერი ნათურები, პულსოქსიმეტრები, სწრაფი ტესტები, დამცავი ნიღბები და სადეზინფექციო საშუალებები", — აღნიშნულია საელჩოს განცხადებაში.