ისრაელის პრემიერმინისტრის, ბენიამინ ნეთანიაჰუს განცხადებით, ისრაელი საპასუხო შეტევებს მანამ გააგრძელებს, სანამ მოქალაქეების უსაფრთხოება არ აღდგება. ამის შესახებ მან სპეციალურ ბრიფინგზე ისაუბრა.

"5 დღე გავიდა მას შემდეგ, რაც ჰამასმა იერუსალიმისა და ისრაელის სხვა ქალაქების მიმართულებით რაკეტები ისროლა. ეს კვირა მილიონობით ისრაელის მოქალაქე იძულებული იყო თავშესაფრებში შეფარებულიყვნენ, რადგან რაკეტების წვიმა მოდიოდა ჩვენს ქალაქებში, რამდენიმე ჩვენი მოქალაქე გარდაიცვალა, კიდევ უფრო ბევრი დაშავდა. თქვენ იცით და მეც ვიცი, რომ არცერთი ქვეყანა ამას არ შეეგუება, ისრაელი ამას არ შეეგუება. ისრაელმა უპასუხა ამ შეტევებს და გავაგრძელებთ პასუხს, მანამ სანამ, ჩვენი ქვეყნის მოქალაქეების უსაფრთხოება არ აღდგება", — თქვა მან.

მისივე განცხადებით, ისრაელი ამ "ამ ქარიშხალს გაუმკლავდება" და იქნება უფრო ძლიერი, ვიდრე ოდესმე. გარდა ამისა, ნეთანიაჰუმ რამდენიმე ქვეყანას, მათ შორის, საქართველოს მხარდაჭერისთვის მადლობა გადაუხადა.

ბოლო მონაცემებით, ღაზის სექტორში დაღუპულთა რიცხვი 149-მდე გაიზარდა, მათ შორის, 41 ბავშვია. დაშავებულია 1 000-ზე მეტი ადამიანი. ამასთან, შეტაკებების შედეგად ისრაელის, სულ მცირე, 10 მოქალაქე გარდაიცვალა.

გაიგეთ მეტი: