საქართველოს ეროვნული ბანკისა და On.ge-ს სტატიების კონკურსის — რა ვიცით ფიშინგის შესახებ — გამარჯვებულები გამოვლენილია. საქართველოს ეროვნულ ბანკში სტაჟირებას მარიამ ხუჭუა და თათია ბეროშვილი გაივლიან. თავდაპირველად, კონკურსის წესების მიხედვით, მხოლოდ ერთი გამარჯვებულის გამოვლენა იგეგმებოდა, თუმცა, საქართველოს ეროვნული ბანკის გადაწყვეტილებით, არჩევანი ორ გამორჩეულ კანდიდატზე შეჩერდა.

საკონკურსოდ რამდენიმე ათეული სტატია შემოვიდა, ჟიურიმ კი მარიამ ხუჭუას ნაშრომი — როგორ ამოვიცნოთ კიბერ-მატყუარა? და თათია ბეროშვილის — თუ ამ 5 რაღაცას აკეთებ, კიბერთაღლითები ადვილად გამოგიჭერენ ამოარჩია. მათი ნამუშევრები ჩვენს ვებგვერდზე სულ მალე განთავსდება.

მარიამ ხუჭუა და თათია ბეროშვილი ეროვნულ ბანკში, საზოგადოებასთან ურთიერთობის განყოფილებაში ან მათთვის საინტერესო დეპარტამენტში 2-თვიან ანაზღაურებად სტაჟირებას გაივლიან.

საქართველოს ეროვნული ბანკი და On.ge მომავალშიც შემოგთავაზებთ საინტერესო კონკურსებს.