ნაციონალური მოძრაობის ერთ-ერთი ლიდერის, ზაალ უდუმაშვილის განცხადებით, მისი პოზიციით ნაციონალურმა მოძრაობამ დღევანდელი მოცემულობით უნდა მიიღოს გადაწყვეტილება პარლამენტში შესვლის შესახებ.

"ამ მოცემულობაში, რომელიც დღეს შეიქმნა ქვეყანაში, იმის შემდეგ, როდესაც გაფორმდა გარკვეული პარტიების მიერ შეთანხმების დოკუმენტი და დღევანდელი მოცემულობით ჩვენ აღარ გვაქვს ერთპარტიული პარლამენტი, რომელსაც ვამბობდით, რომ ჩვენი ერთ-ერთი მთავარი ბერკეტი ის იყო ამ ბრძოლაში, რომ ივანიშვილს ჰყავდა ერთპარტიული პარლამენტი და ეს მოცემულობა აღარ არის, ამიტომ მე ვთვლი, რომ დღეს ნაციონალურმა მოძრაობამ უნდა მიიღოს გადაწყვეტილება პარლამენტში შესვლის შესახებ, თუმცა ეს ჩემი პირადი პოზიციაა", — განაცხადა უდუმაშვილმა.