ტერმინი ბუღალტერი გულისხმობს პროფესიონალს, რომელიც ასრულებს სააღრიცხვო ფუნქციებს და კარგად ესმის ბიზნესის ენა. ამ სფეროში, ბევრი პროფესიონალი ირჩევს გახდეს სერთიფიცირებული ბუღალტერი, რადგან ACCA-ის წევრობა ითვლება ოქროს სტანდარტად ბუღალტერიის პროფესიაში.

მთელ მსოფლიოში, დამსაქმებლები ეძებენ ACCA-ის წევრებს, რათა წარმართონ თავიანთი ბიზნესი მდგრადი წარმატებისკენ. მათ იციან, რომ ACCA-ის წევრები არიან სტრატეგიული მოაზროვნეები, რომლებსაც აქვთ მაღალი ეთიკური სტანდარტები, ძლიერი ფინანსური და ბიზნესის სწორი პრაქტიკული გამოცდილება.

იმისათვის, რომ გახდეთ ACCA-ის წევრი, წინ საინტერესო მოგზაურობა გელით: ACCA-ის კვალიფიკაცია, რომლის განმავლობაშიც მოგიწევთ რამდენიმე გამოცდის ჩაბარება, ეთიკის ნორმების შესწავლა და სამწლიანი პროფესიული გამოცდილების მიღება. ეს იმას ნიშნავს, რომ სამუშაო ადგილზე თქვენ მზად იქნებით შეიტანოთ თქვენი წილი ცვლილება დღევანდელ სწრაფ ბიზნეს სამყაროში.

საერთაშორისო კვალიფიკაციის მიღების შემდეგ, თქვენ:

• ხდებით მსოფლიოს ყველაზე წინდახედული სააღრიცხვო ორგანოს წევრი;
• გეხსნებათ შესაძლებლობებისთვის კარი მთელს მსოფლიოში;
• იღებთ პროფესიულ დახმარებას მთელი თქვენი მოგზაურობის განმავლობაში;
• ავითარებთ თქვენს ცოდნასა და უნარებს.

ACCA კვალიფიკაცია სტუდენტებს აძლევს ყველაზე თანამედროვე უნარ-ჩვევებს, რაც მათ სჭირდებათ ფინანსური სფეროს პროფესიონალად ჩამოყალიბებისთვის.

იმისთვის, რომ სტუდენტებს გაუმარტივდეთ სწავლების პროცესი, ACCA-ის მთელ მსოფლიოში ჰყავს პარტნიორები, რომლებიც გამოირჩევიან საუკეთესო საგანმანათლებლო ხარისხით. საქართველოში, ბიდიო აკადემია ACCA-ის ერთადერთი ოქროს პარტნიორია, რაც იმას ნიშნავს, რომ ACCA აღიარებს აკადემიის სწავლების მაღალ სტანდარტებს.

ACCA-ის წევრობისკენ მიმავალ გზაზე, მათი საერთაშორისო სერტიფიცირების გარდა, შეგიძლიათ მიიღოთ შემდეგი მნიშვნელოვანი კვალიფიკაციები:

• ACCA-ის დიპლომი ბუღალტერიასა და ბიზნესში (RQF დონე 4)

სტუდენტს შეუძლია მიიღოს ACCA-ის დიპლომი ბუღალტერიასა და ბიზნესში (RQF დონე 4), როდესაც ჩააბარებს - გამოყენებითი ცოდნის გამოცდებს ACCA კვალიფიკაციისთვის და პროფესიონალიზმის საფუძვლებს ეთიკის მოდულში.

იმის მიხედვით, თუ როდის ჩააბარებს სტუდენტი ეთიკის მოდულს, ამ დიპლომის მიღება შესაძლებელია 6-12 თვის განმავლობაში.

• უმაღლესი დიპლომი ბუღალტერიასა და ბიზნესში

სტუდენტს შეუძლია მიიღოს უმაღლესი დიპლომი ბუღალტერიასა და ბიზნესში, როდესაც ჩააბარებს - გამოყენებითი ცოდნისა და უნარების ყველა გამოცდას ACCA კვალიფიკაციისთვის და ეთიკისა და პროფესიული უნარების მოდულს.

იმისდა მიხედვით, როდის ჩააბარებს სტუდენტი გამოცდებს და ეთიკის მოდულს, ამ ჯილდოს მიღება 12-18 თვეშია შესაძლებელი.

ამასთან ერთად, ACCA-ის კვალიფიკაციასთან შეთავსებით, შეგიძლიათ მიიღოთ საერთაშორისო Oxford Brooks-ის ბაკალავრისა და ლონდონის უნივერსიტეტის მაგისტრის ხარისხები:

• BSc (Hons)-ის ხარისხი გამოყენებით აღრიცხვაში

ACCA-ის კვალიფიცირებული ბუღალტრის სტატუსის მიღებასთან ერთად, სტუდენტებს აქვთ შესაძლებლობა მიიღონ Oxford Brooks უნივერსიტეტის ხარისხი. ეს არის შესანიშნავი გზა დამატებითი კვალიფიკაციის მისაღებად გაორმაგებული დატვირთვის გარეშე.

Oxford Brooks უნივერსიტეტის ხარისხის მისაღებად სტუდენტებს დასჭირდებათ: ჩააბარონ ACCA-ის საკვალიფიკაციო გამოცდები, გაიარონ ეთიკისა და პროფესიული უნარების მოდული და წარადგინონ კვლევისა და ანალიზის პროექტი.

• მაგისტრის ხარისხი პროფესიულ ბუღალტერიაში

ACCA არის პირველი სააღრიცხვო ორგანო მსოფლიოში, რომელიც სტუდენტებს სთავაზობს ინტეგრირებულ სამაგისტრო პროგრამას. პროფესიული კვალიფიკაციის შესწავლის პარალელურად, სტუდენტებს შეუძლიათ მიიღონ მაგისტრის ხარისხი პროფესიულ ბუღალტერიაში ლონდონის უნივერსიტეტიდან.

სტუდენტები გამოიმუშავებენ კომერციულ, სტრატეგიულ და შემოქმედებით უნარებს, რომელსაც ACCA კვალიფიკაცია აძლევთ მათ. ამასთან ერთად, აქვთ შესაძლებლობა განივითარონ როგორც აკადემიური, ასევე პროფესიული პერსპექტივები კარიერაში უნიკალური შესაძლებლობის მისაღებად.

ბუღალტრული აღრიცხვა მნიშვნელოვან როლს ასრულებს ბიზნესის წარმატებულ წარმოებაში, ამიტომაც მნიშვნელოვანია მიიღოთ პროფესიონალებისგან საერთაშორისო განათლება და გამოცდილება, რომელსაც ACCA გთავაზობთ BDO Academy-სთან ერთად.