სახლიდან მუშაობა უამრავ თავგადასავალთანაა დაკავშირებული, განსაკუთრებით მაშინ, თუ ჩვენს გარშემო მოუსვენარი პატარები დარბიან. თუ დაკვირვებულხართ, სწორედ Zoom-ში მიკროფონის ჩართვის და პრეზენტაციის დაწყების დროს უნდებათ ჩვენს თავზე ამოხოხება, ჩვენს ფეხთან თამაში, ან სულაც შეძახილი: "ფისი მინდა!!!"

ეს პატარა იაგუარი, რომელიც დედას არ ეშვება და მოსვენებას არ აძლევს, ზუსტად ასახავს ამ მომენტს. ფოტოები 2010 წელს იორდანიის ზოოპარკში მაშინ გადაიღეს, როდესაც ციცქნა ცხოველი მნახველების წინაშე პირველად წარსდგა.

ახალშობილი, სახელად ფალა, დედას არ ეშვება, ეჭიდავება, კბენს და მაშინ, როცა ყველას თავი უნდა მოაწონოს, ყირაზე გადადის.

ზუსტად ისე, როგორც ამას Zoom-ის შეხვედრის დროს ოთახში შემოჭრილი ბავშვები აკეთებენ.

"ვის ელაპარაკები???!!!"

ფოტო: Ali Jarekji/REUTERS

ფოტო: Ali Jarekji/REUTERS

ფოტო: Ali Jarekji/REUTERS

"ოღონდ ახლა გაჩერდი და..."

ფოტო: Ali Jarekji/REUTERS

"დაგიჭირე!!"

ფოტო: Ali Jarekji/REUTERS

"მომაქციე ყურადღება!!!"

ფოტო: Ali Jarekji/REUTERS

"ძლივს არ გათიშა..."

ფოტო: Ali Jarekji/REUTERS

დედა, სახელად ლოლო, მელანისტია, ამიტომ მას ჩვეულებრივ იაგუარზე მეტად აქვს მუქი შეფერილობა. მელანიზმი პიგმენტ მელანინის ჭარბი რაოდენობით წარმოიქმნება.