ჭყონდიდის მიტროპოლიტი პეტრე, აცხადებს, რომ საპატრიარქოში სიტუაციას მართავს "ყველაზე დიდი დამნაშავე" შორენა თეთრუაშვილის სახით:

"ისაა ამ სკანდალის შემოქმედი, სცენარის ავტორი. ის უნდა ჩამოშორდეს ამ მმართველობას, რომ გამოძიებას არ შეეშალოს ხელი და შეეწყოს ხელი გამოძიების ობიექტურობას".

ჭყონდიდის მიტროპოლიტის თქმით, გამოძიებაზე გავლენის მოხდენას საპატრიარქოს სახელით ცრუ და ცილისმწამლებური განცხადებებით ცდილობენ.

"ვადასტურებ, რომ სიტუაციას მართავს ისევ შორენა თეთრუაშვილი".

14 თებერვალს, ჭყონდიდის მიტროპოლიტმა, პეტრე ცაავამ, არჩევანის ეთერში პატრიარქის მდივან-რეფერანტ შორენა თეთრუაშვილზე საუბრისას განაცხადა, რომ მას თავისი "ოქროს თევზები" ჰყავს, ანუ გავლენიანი პირები, ვინც მის სურვილებს ასრულებენ.