"თავში წკიპურტების წამორტყმაზე მაინც დაედოთ ნიძლავი" — ასე გამოეხმაურა კანონი და სამართალის თავმჯდომარე, თაკო ჩარკვიანი, გირჩის ლიდერების, სანდრო რაქვიაშვილისა და იაგო ხვიჩიას "ნიძლავს" მის პარლამენტში შესვლაზე.

"ღმერთო ასეთი რა სასჯელია მართლა, რომ ხალხის მიერ არჩეულ საკანონმდებლო ორგანოში ანუ კანონები ვინც უნდა მიიღოს, ხინკალზე ნიძლავის იქით ვერ მიდიან. ახლა მოვუსმინე იაგო ხვიჩიას, ნიძლავი დავდე რაქვიაშვილთან ხინკალზე, რომ ესენი ყველანი პარლამენტში შევლენ თუ არაო, ესენი ანუ ნაციონალური მოძრაობა, მე — კანონი და სამართალი, შალვა ნათელაშვილი ლეიბორისტები, ევროპული საქართველო, ელენე ხოშტარია. ხინკალზე დავნიძლავდითო, თქვა ამ ოლიგარქის მარიხუანის პლანტაციის მონამ (გამიხარდა, ხინკალს თუ ჭამდა არ ვიცოდი). ღმერთო, რა, ამდენი კანონდებილი მართლა სასჯელია. თავში წკიპურტების წამორტყმაზე მაინც დაედოთ ნიძლავი", — წერს ის.

გირჩის ლიდერმა, იაგო ხვიჩიამ დღეს განაცხადა, რომ მას სანდრო რაქვიაშვილთან ნიძლავი აქვს დადებული იმის თაობაზე, რომ თაკო ჩარკვიანი და შალვა ნათელაშვილი პარლამენტში შევლენ.