ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 29 უნივერსიტეტს 16 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

მონაწილეები ასევე მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

Jacobs University არის კერძო უნივერსიტეტი ქალაქ ბრემენში, გერმანიაში, რომელიც 2001
წელს დაარსდა. ის ერთ-ერთი წამყვანი უნივერსიტეტია მსოფლიოს მასშტაბით.
უნივერსიტეტში 1500-ზე მეტი სტუდენტი სწავლობს 110-მდე ქვეყნიდან.

პატარა საკლასო ოთახები ეხმარებათ სტუდენტებს პერსონალური ურთიერთობა ჰქონდეთ პროფესორებთან და ჰყავდეთ ისინი პირად მენტორებად. სტუდენტები აქტიურად არიან ჩართულები კვლევით პროექტებში პირველივე კურსიდან. ბაკალავრის საფეხურზე მრავალფეროვანი პროგრამებია შეთავაზებული. მეცნიერების ბაკალავრის კუთხით სტუდენტებს აქვთ საშუალება ისწავლონ: მათემატიკა, კომპიუტერული მეცნიერებები, ინჟინერია, მენეჯმენტი და სხვა. მედიცინის მიმართულებით: ბიოქიმია და მოლეკულური ბიოლოგია, ქიმია და ბიოტექნოლოგიები, ფიზიკა, გარემოს დაცვითი მეცნიერებები და სხვა. ხელოვნებისა და მეცნიერებების ბაკალავრის ხარისხის მიმართულებით შეთავაზებული პროგრამებია: გლობალური ეკონომიკა და მენეჯმენტი, საერთაშორისო ბიზნესის ადმინისტრაცია, მედია და პოლიტიკა, საერთაშორისო ურთიერთობები, ფსიქოლოგია და სხვა.

მეცნიერებათა მაგისტრატურის საფეხურზე უნივერსიტეტი სტუდენტებს სთავაზობს ფსიქოლოგიას, data science, data engineering, supply chain management, ხოლო ხელოვნებათა მაგისტრატურის ხარისხით, საერთაშორისო ურთიერთობებს. სტუდენტებს ასევე შეუძლიათ დოქტორანტურის ხარისხის მოპოვება საბუნებისმეტყველო მეცნიერებების, მათემატიკის, ინჟინერიის, სოციალური და ჰუმანიტარული მეცნიერებების მიმართულებით.

საბაკალავრო საფეხურზე სწავლის წლიური გადასახადია 20,000 ევრო, ხოლო საცხოვრებელ ხარჯებთან ერთად მთლიანი საფასური 28,650 ევროა.

მაგისტრატურის საფეხურზე პროგრამების - data science, data engineering, supply chain management - წლიური საფასურია 20,000 ევრო. ფსიქოლოგიის მიმართულებით წლიური ღირებულებაა 10,000, ხოლო საერთაშორისო ურთიერთობების პროგრამა უფასოა, რადგანაც ეს არის გაერთიანებული პროგრამა ბრემენის უნივერსიტეტთან.

სტუდენტებს აქვთ საშუალება მიიღონ სხვადასხვა რაოდენობის დაფინანსება, საბაკალავრო დონეზე 5,000 ევრო ყოველწლიურად, ხოლო სამაგისტრო საფეხურზე 3,000 ევრო. მათ ასევე შეუძლიათ ისარგებლონ სტუდენტური სესხით, და დამატებითი თანხის გამოსამუშავებლად დასაქმდნენ კამპუსზე სხვადასხვა პოზიციაზე.

თქვენ გაქვთ შესაძლებლობა პირადად შეხვდეთ Jacobs University-ის წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. შემოგვიერთდით: https://leafonlinefair.com/