თბილისში მოქმედი აფხაზეთის ავტონომიური რესპუბლიკის მთავრობამ დევნილებს კბილის პროთეზების კბილის პროთეზირების ხარჯები დაუფინანსა. ტენდერში გამარჯვებული კომპანიის წარმომადგენელი კი ხელშეკრულების ვალდებულებების შესრულებამდე, მას შემდეგ, რაც სამინისტრომ ხელშეკრულების ღირებულება სრულად აუნაზღაურა, ვალდებულებების შესრულების გარეშე, აფხაზეთის ოკუპირებულ ტერიტორიაზე გადავიდა.

ამის შესახებ აუდიტის ანგარიშშია ნათქვამი, სადაც აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს პროგრამებისათვის გამოყოფილი საბიუჯეტო სახსრების ხარჯვა შეისწავლეს.

გააფორმერს კონტრაქტი იმ კომპანიასთან, რომელმაც არ შეასრულა და აფხაზეთში გადავიდა

აუდიტის ანგარიშში ნათქვამია, რომ 2018-2019 წლებში სამინისტროს აფხაზეთიდან იძულებით გადაადგილებულ პირთა ამბულატორიული დახმარების პროგრამის სტომატოლოგიური ორთოპედიული პროთეზირების კომპონენტის ფარგლებში გამოცხადებული ოთხი ტენდერიდან, სამში გაიმარჯვა პრეტენდენტმა, რომელიც ამავე კომპანიაში დასაქმებულ პირს მფლობელისაგან ჰქონდა ნაქირავები.

"ბენეფიციართა გადამოწმებით გამოვლინდა, რომ არსებობენ ბენეფიციარები, რომლებზეც დოკუმენტურად მომსახურების გაწევა ფიქსირდება და საბიუჯეტო თანხებიც გადახდილია, ხოლო მათ მიღებული დაფინანსებული პროთეზები არ ჰქონდათ.

"შესაბამისად, სამინისტროს არასათანადო კონტროლისა და საქმისადმი არაჯეროვანი მიდგომის პირობებში, საბიუჯეტო სახსრების არამიზნობრივად, არაეფექტიანად ხარჯვისა და ბენეფიციარებისათვის არასათანადო მომსახურების შემთხვევები გამოვლინდა", — ნათქვამია აუდიტის ანგარიშში.