ქართველი მწერალი დათო ტურაშვილი კორონავირუსზე ქუთაისის ერთ-ერთ კლინიკაში აიცრა. ამის შესახებ ფეისბუქზე მისი შვილი, ანაკო ტურაშვილი წერს.

ანაკოს სიტყვებით, 54 წლის ქართველი მწერალი გულისა და ჯანმრთელობის მდგომარეობის გამო რისკჯგუფში იყო და მისი აცრის შემდეგ, ოჯახმა შვება იგრძნო:

"მეორე უბედნიერესი დღე ამ კვირაში — პირველი ბებიაჩემი და ბაბუაჩემის აცრა იყო. მთელი წელი დათოზე ნერვიულობაში გავატარე, მოგეხსენებათ მისი გულისა და ჯანმრთელობის გამო, რისკჯგუფშია. ამოვისუნთქეთ ოჯახმა", — წერს ანაკო.

დღეიდან, ვაქცინის მე-2 დოზის მისაღებად რეგისტრაცია უკვე შესაძლებელია. ინფორმაციას ამის შესახებ დაავადებათა კონტროლის ცენტრი ავრცელებს. მათი ცნობით, რეგისტრაცია დღეს, 16 აპრილს 16:00 საათიდან დაიწყო.