ქართული ოცნებიდან წასული დეპუტატი, გიორგი ხოჯევანიშვილის თქმით, იმ ადამიანების რიცხვი, რომლებიც ფიქრობენ, რომ ქვეყანა სწორი გზით არ ვითარდება, გაიზრდება.

"მე, რა თქმა უნდა, სახელებისა და გვარების დასახელებისგან თავს შევიკავებ, მაგრამ არიან ადამიანების, რომლებიც ისევე, როგორც ჩვენ, ვხედავთ პრობლემებს. არიან ადამიანები, რომლებიც ფიქრობენ, რომ შეიძლება ასე ითქვას, ჩუმად ყოფნა იქნება პრობლემა საზოგადოებისთვის და არამხოლოდ მათთვის, ან რომელიმე პოლიტიკური გუნდისთვის. აქედან გამომდინარე, მე ვფიქრობ, რომ იმ ადამიანების რიცხვი, რომელიც დღეს ფიქრობს, რომ ქვეყანა სწორი გზით არ ვითარდება და ამას ცხადყოფს ძალიან ბევრი გარემოება, ასეთი ადამიანების რიცხვი გაიზრდება", — განაცხადა ხოჯევანიშვილმა ფორმულას ეთერში.

ქართული ოცნების 6 დეპუტატი მმართველ პარტიას ტოვებს და ექსპრემიერ გიორგი გახარიას უერთდება. "ოცნებიდან" მიდიან: გიორგი ხოჯევანიშვილი, მიხეილ დაუშვილი, ანა ბუჩუკური, ალექსანდრე მოწერელია, ბექა ლილუაშვილი და შალვა კერესელიძე. მათი თქმით, გადადიან გახარიას "პარტიის მშენებლობის ახალ ეტაპზე". ამის შესახებ მათ პარლამენტში გამართულ ბრიფინგზე განაცხადეს და დასძინეს, რომ საქმიანობას გააგრძელებენ, როგორ დამოუკიდებელი დეპუტატები.