პარტია მოქალაქეების ერთ-ერთი ლიდერი და პარლამენტის წევრი, ლევან იოსელიანი ქართული ოცნების დეპუტატების მიერ პარტიის დატოვებაზე ამბობს, რომ პარლამენტში ახალი ოპოზიციური ჯგუფის შექმნისთვის კარგი პროცესია.

"ეს არის კარგი პროცესი, რათა პარლამენტში ახალი ოპოზიციური ჯგუფი შეიქმნას. ვნახოთ, როგორი დღის წესრიგი ექნებათ, რამდენად კრიტიკულები იქნებიან. ეს ყველაფერი ძალიან საინტერესო არის", — განაცხადა იოსელიანმა.

დღეს, 14 აპრილს ცნობილი გახდა, რომ ქართული ოცნების 6 დეპუტატი მმართველ პარტიას ტოვებს და გახარიას უერთდება. "ოცნებიდან" მიდიან: გიორგი ხოჯევანიშვილი, მიხეილ დაუშვილი, ანა ბუჩუკური, ალექსანდრე მოწერელია, ბექა ლილუაშვილი და შალვა კერესელიძე. მათი თქმით, გადადიან გახარიას "პარტიის მშენებლობის ახალ ეტაპზე" და დასძინეს, რომ საქმიანობას გააგრძელებენ, როგორ დამოუკიდებელი დეპუტატები.